3i Principles , ကျွန်တော်လေ့လာမိသမျှ Digital Marketing (အပိုင်း-၄)

ဒီ တစ်ပတ်တော့ အလုပ်ကလေးနည်းနည်း ရှုပ်သွားတာနဲ့ စာတောင် ကောင်းကောင်းမရေးဖြစ်ခဲ့လိုက်ဘူး။ ပြီးခဲ့တဲ့လက ဖတ်ထားတဲ့ The Art of Digital Marketing စာအုပ်ထဲက အရေးကြီး အကြောင်းအရာလေးတစ်ခု ဖြစ်တဲ့ 3i Principles အကြောင်းလေးကို ပြန်လည် မျှဝေလိုက်ပါတယ်။

3i Principles ဆိုတာဘာလဲ ? 3i Principles ဆိုတာ Initiate (အစပြုခြင်း)၊ Iterate (အကြိမ်ကြိမ်အဖန်ဖန် မွမ်းမံခြင်း) နှင့် Integrate (ပေါင်းစည်းခြင်း) တို့ကို စုပေါင်းဖွဲ့စည်းထားတဲ့ DMI Methodologies, Digital အစပြုခြင်း Methods များထဲမှာ Foundation ကောင်းဖြစ်ပြီး အောင်မြင်တဲ့ Marketing နည်းဗျုဟာတွေထဲကမှ အရေးကြီးတဲ့ သော့ချက်လည်းဖြစ်ပါတယ်။ ဒါ့အပြင် ဒီ အချက်များက သင့်ရဲ့ Digital Marketing Plan အောင်မြင်ဖို့နဲ့ လေလွင့်ဆုံးရှုံးမှု နည်းအောင် အထောက်အပံ့ပေးပါတယ်။

Principle 1 : Initiate (အစပြုခြင်း) Marketer တစ်ယောက်အတွက် အဓိက အကြီးမားဆုံးသော စိန်ခေါ်မှုက တစ်ဖက်ပိတ် (one-way communication) နည်းစနစ်တွေ အသုံးမဝင်တော့မယ့် တစ်နေ့ပါ။ ဒါဆိုရင် Digital ဆိုတာကကော ဘာအတွက် ရပ်တည်တာလဲ နဲ့ Digital Marketing ဆိုတာ ဘယ်အတိုင်းအတာ အထိ အသုံးဝင်လဲဆိုတဲ့ မေးခွန်းတွေ လူတိုင်းမှာ ရှိကြပါတယ်။ အမေးအများဆုံးကတော့ Budget, Resources, Strategy နှင့် Channels တွေပေါ့။ သင့်ရဲ့ Digital အသုံးချမှုတိုင်းကို Customer သာ ဆုံးဖြတ်ပါစေလို့ Initiate ဆိုတဲ့ Principle ကနေ အစပြုထားပါတယ်။ သင့်ရဲ့ Digital အသုံးချမှုတိုင်းမှာ Customer သာလျှင် အစမှတ်ကနေ အဆုံးမှတ်အထိ အရေးအကြီးဆုံးပါ။ လွယ်ကူအောင်ပြောရရင်တော့ သင်နဲ့ ပတ်သက်သော Customers တွေက email အသုံးပြုသူ နည်းပါးခဲ့ပြီး သင်က သင့်ရဲ့ Digital Marketing Plan ကြီးမှာ Email Marketing ကို Budget အကြီးကြီး သုံးခဲ့မယ်ဆိုရင် သင့်ရဲ့ ဆုံးရံှူးမှုက အတိုင်းအဆမရှိ ကြီးမားပါလိမ့်မယ်။ အစပြုတာတော့ ဟုတ်ပါပြီ ဒါပေမယ့် ယနေ့ခေတ်မှာ လူတိုင်းက အလျင်စလိုနဲ့ Digital Channels တွေကို စီမံခန့်ခွဲနေတာကိုတွေ့မြင်ရမှာပါ။ ဆုံးဖြတ်ချက်လွယ်ကူစွာချပြီး လူတိုင်းက သူတို့ရဲ့ Company အကြောင်းတွေ၊ Products အကြောင်းတွေကို သေချာစွာ စီစဉ်ထားခြင်းမရှိတဲ့ Content တွေနဲ့ ဖန်တီးထားတဲ့ Blogs တွေ၊ Website တွေ၊ Social Media Profiles တွေက ကျရှုံးမှုကို အလျင်အမြန်ပို့ဆောင်ပေးတာနဲ့ အလားတူပါတယ်။ ဒါ့အပြင်လူတိုင်းက ရှေးရိုးစဉ်လာအရ Digital ကို Broadcast လုပ်တဲ့ Customers Engagement Channel တစ်ခု အဖြစ်သာ တွေးမြင်ထားခြင်းက မှားယွင်းနေပါတယ်။ အမှန်ဆိုရင်တော့ Digital က Interaction Channel တစ်ခုအဖြစ် Customers နဲ့ လုပ်ငန်းကြားမှာ အပြန်အလှန် conversation (two-way conversation) ပေါ်ပေါက်လာနိုင်အောင် အသုံးပြုနိုင်ပါတယ်။ အချိန်ယူပြီးတော့ Customers တွေ Online မှာ သူတို့ ဘာတွေလုပ်လဲ၊ ဘယ်လိုတွေ ပြောဆိုလည်းဆိုတာတွေကို လေ့လာထားရင် ပိုပြီးတော့ အကျိုးရှိပါလိမ့်မယ်။ သင်ကော သင့်လုပ်ငန်းအကြောင်း Customers တွေ Online မှာ ဘာတွေပြောနေလဲဆိုတာ စပြီးတော့ နားထောင်ပြီးပြီလား ? Principle 2 : Iterate (အကြိမ်ကြိမ်အဖန်ဖန် မွမ်းမံခြင်း) ဖန်တီးလိုက်တဲ့ ကြော်ငြာတွေကတဆင့် Click-through rates, Response Rates နဲ့ Conversion Rates တွေကို အချိန်နဲ့ တပြေးညီ သိရှိနိုင်ခြင်းက သင်ရဲ့ ဖန်တီးမှုတိုင်းမှာ Customers တွေကို မည်မျှ အကျိုးသက်ရောက်မှုတွေ ဖြစ်ပေါ်လာစေတယ်ဆိုတာကို ပြန်လည် သုံးသပ်နိုင်ပါတယ်။ ဒါကလည်း Internet ရဲ့ ထူးခြားတဲ့ အားသာချက်ပဲ ဖြစ်ပါတယ်။ ဒီလို အချက်တွေကို သုံးသပ်ပြီး အကောင်းဆုံးတွေကို အကြိမ်ကြိမ်အဖန်ဖန် မွမ်းမံခြင်း Iterate က 3i Principles ရဲ့ အရေးကြီးတဲ့ ဒုတိယ အချက်ဖြစ်လာစေပါတယ်။ ဒီ အချက်က သင့်ရဲ့ အရေးကြီးတဲ့ Digital Marketing Campaign တွေကို Customers များရဲ့ တုံ့ပြန်မှုပိုမို ရရှိလာအောင် အသားပေးပါတယ်။ အကြိမ်ကြိမ်မွမ်းမံတဲ့ process တွေ ကောင်းလေလေ သင့်ရဲ့ Digital Marketing Campaign တွေက ပို အကျိုးရှိလေပါပဲ။ သင် ပထမအကြိမ် ဖန်တီးလိုက်တဲ့ campaign idea က အကောင်းဆုံးဖြစ်ဖို့ မမျှော်လင့်ပါနဲ့။ ဘာကြောင့်လဲဆိုတော့ သင့် ဖန်တီးမှုက သင့်ရဲ့ Customers တိုင်းအတွက် အကောင်းဆုံးဖြစ်ချင်မှ ဖြစ်ပါလိမ့်မယ်။ သင် ဖန်တီးပြီးတဲ့ campaign idea ကို Customers တွေက သူတို့ လိုချင်တဲ့ ပုံစံတွေနဲ့ ပြန်လည် အကြံပေးပါလိမ့်မယ်။ ထို အချက်တွေကို ထည့်သွင်းစဉ်းစာပြီး သင့်အတွက် ဘယ်နည်းလမ်းက Customers တွေရဲ့ တုန့်ပြန်မှုကို အကောင်းဆုံးရရှိနိုင်အောင် အကြိမ်ကြိမ် မွမ်းမံဖို့ အခွင့်အလမ်းတွေရရှိနိုင်ပါတယ်။ ဒါကြောင့် Iterate လုပ်ခြင်းက သင့်ရဲ့ Campaign တိုင်းအတွက် အကျိုးရှိစေပါတယ်။ Principle 3 : Integrate (ပေါင်းစည်းခြင်း) အကျိုးသက်ရောက်မှု ကောင်းတဲ့ Digital Marketing တစ်ခု ဖြစ်လာဖို့ အတွက်ဆိုရင်တော့ အောက်ပါ အချက်တွေ ကို ပေါင်းစည်းဖို့ လိုပါလိမ့်မယ်။ 1. Digital Channels အချင်းချင်းလည်း ပေါင်းစည်းပါစေ။ Digital Channels ကို စီမံသူတွေ အချင်းချင်းမှာ Information တွေ မျှေ၀ အသုံးချမယ်ဆိုရင် ပိုပြီး အကျိုးရှိပါတယ်။ ဥပမာ - Wiley New Yorks ရဲ့ Campaign တစ်ခုဖြစ်တဲ့ cre’che versus childcare ကို လေ့လာကြည့်နိုင်ပါတယ်။ Childcare ဆိုတဲ့ စကားလုံးကို New York မှာ ရှိတဲ့ မိဘတွေက မိမိကလေးအတွက် Knowledge တွေ ရှာဖွေရာမှာ အကြိမ်ရေ မည်မျှ သုံးတယ်ဆိုတာ Search Engine Team က Research တွေ ပြုလုပ်ထားပြီး Email Marketing Team ကို Childcare ဆိုတဲ့ စကားလုံးကို အသုံးချပြီး Email Newsletter ဖန်တီးဖို့ အကြံ နှင့် အချက်အလက် ပေးခြင်းက Email Open Rates တွေကို ပိုမိုမြင့်တက်လာစေပါတယ်။ ဒီ အချက်ကို ကြည့်ရင် Channels အချင်းချင်း Information ကို မျှေ၀ အသုံးချခြင်းက တစ်ခုချင်းစီအလိုက် ကိုယ်ထင်ရာ ကိုယ်လုပ်နေခြင်းထက် အကျိုးသက်ရောက်မှု ပိုမိုကောင်းမွန်တာကို တွေ့ရပါလိမ့်မယ်။ 2. Digital သီးသန့်တစ်ခုတည်းမဟုတ်ဘဲ သင့်ရဲ့ Traditional Marketing နဲ့လည်း ပေါင်းစည်းအသုံးချပါ။ Digital Marketing မှ အားသာချက်တစ်ခုဖြစ်တဲ့ လူအများအသုံးချတဲ့ စကားလုံး၊ မိမိလုပ်ငန်းနဲ့ သက်ဆိုင်သော ရှာဖွေမှုများ အစရှိတဲ့ Search Engine Data တွေကို အသုံးပြုပြီး Traditional Marketing နည်းဗျူဟာမှာ ပေါင်းစည်းအသုံးချနိုင်ပါတယ်။ ဥပမာ - အွန်လိုင်းမှာ search engine မှ တဆင့် လူအများအသုံးအပြုအများဆုံးသော စကားလုံးများကို အသုံးပြုပြီး Radio Script ထဲမှာ ထည့်ရေးပြီး ကြော်ငြာ နိုင်သလိုမျိုးပေါ့။ 3. Channels တွေမှ ရရှိတဲ့ Reports တွေကိုလည်း ပေါင်းစည်း အသုံးချနိုင်ပါစေ။ Website ရှိတဲ့ Company တိုင်းအတွက် Google Analytics ကနေ Data တွေ ရဖို့ မခဲယဉ်းပါဘူး။ Google Analytics က ဘယ်လောက် အထောက်အကူပြုလည်းဆိုတော့ သင့် Website ကို ဝင်ရောက် ကြည့်ရှုများရဲ့ အချက်အလက်တွေကို တစ်စုတစ်စည်းထဲ သိရှိနိုင်သလို အနှစ်ချုပ်အားဖြင့် ဘယ် Page မှာ အချိန်ဘယ်လောက်နေသွားတယ်၊ ဘယ် Products တွေ ကြည့်တယ်၊ Click ဘယ်နှစ်ကြိမ်နှိပ်တယ် အစရှိတဲ့ Traffic များရဲ့ မူကျင့်များကိုလည်း သိရှိနိုင်ပါတယ်။ Website မရှိသူများအဖို့တော့ Facebook လို Social Media က အကောင်းဆုံး Reports တွေကို ထုတ်ယူနိုင်ပါတယ်။ သင့်ရဲ့ Digital Marketing Plan မှာ Budget မည်မျှသုံးသင့်လဲ၊ ဘယ် Channels က သင့်အတွက် အရေးကြီးလဲ၊ သင့်ရဲ့ Customers တွေကို ဘယ်လို engage လုပ်သင့်လဲ ဆိုတာကို ထို အချက်အလက်တွေကို အသုံးချပြီးအကျိုးသက်ရောက်မှုကောင်းအောင် ပြင်ဆင်နိုင်ပါတယ်။

အနှစ်ချုပ်အားဖြင့် 3i Principles ကို အသုံးချပြီး သင့်ရဲ့ Digital Marketing Campaign တွေကို ပိုမို အကျိုးရှိအောင် လုပ်ဆောင်နိုင်တဲ့ အပြင် လေလွင့် ဆုံးရှုံးမှုလည်း နည်းစေနိုင်ပါတယ်။ နောက် အပိုင်းမှာတော့ RACE (Reach, Act, Convert and Engaged) အကြောင်းလေး ဆက်လက် မျှဝေပေးပါ့မယ်။ အားပေးကြပါဦး။