Digital Marketing Plan တစ်ခုဆွဲ ဖို့ ဘာတွေလိုမလဲ ? [ကျွန်တော်လေ့လာမိသမျှ Digital Marketing (အပိုင်း-၃)]

စာဖတ်ရှုသူ အားလုံးပဲ မင်္ဂလာပါ။ ကျွန်တော့်ရဲ့ Digital Marketing Sharing လေးကနေ ပြန်လည် ကြိုဆိုလိုက်ပါတယ်။ ဒီတစ်ပတ်တော့ စာနည်းနည်းရှည်မှာ ဖြစ်တဲ့ အတွက် ကြိုတင်ပြီး အကြောင်းကြားထားပါရစေ။ Digital Marketing ကို စတင်အသုံးချဖို့ဆိုရင် သင့်လုပ်ငန်းရဲ့ အမျိုးအစား၊ လက်ရှိပြည်တွင်းမှာ အသားပေး Digital Media (Situations Analysis)၊ Internet သုံးစွဲသူလူအများရဲ့ Behaviors၊ ကိုယ့်ပြိုင်ဘက်ရဲ့ ထိုးဖောက်မှုနှုန်း (Competitors Analysis) နှင့် Digital Marketing ကြောင့် သင့်လုပ်ငန်းကို အကျိုးသက်ရောက်စေမယ့် အားသာချက် (Strengths)၊ အားနည်းချက် (Weakness) ၊ အခွင့်အလမ်း (Opportunities) နှင့် ခြိမ်းခြောက်မှုများ (Threats) တို့ိကို အရင်အဆုံး သိရှိထားဖို့တော့လို ပါမယ်။ ဒါ့အပြင် Company ရဲ့ Digital Marketing Strategy အတွက် သီးသန့်ချမှတ်ထားတဲ့ Vision, Mission and Goals တွေကိုလည်း သေချာ ရှင်းလင်းစွာ နားလည် ဖို့ ပြင်ဆင်ထားသင့်ပါတယ်။ အပေါ်က အကြောင်းအရာတွေ အပြင် Digital Marketing ကြောင့်ဖြစ်လာမယ့် Downside တွေကိုလည်း နားလည်သိရှိထား ဖို့တော့ လိုပါလိမ့်မယ်။ လုပ်ငန်းရှင်များအဖို့ သာမန် လူ သိများအောင် ကြော်ငြာလုပ်တဲ့ Pushing the awareness အမျိုးအစား ကို အသားပေးတဲ့ Digital Marketing Plan ကိုသာ အာရုံစိုက်ချင်းထက် ဝန်ထမ်း(၁) ယောက် သာမန်ရှာနိုင်တဲ့ နှုန်းက်၂ဆ ပိုမိုပြီး ဝင်ငွေ ပြန်လည် ရရှိ နိုင်မယ့် ကောင်းမွန်တဲ့ Digital Marketing Plan မျိုးသာ ဖြစ်သင့်ပါတယ်။ ဒါဆို ဒီလို ကောင်းမွန်တဲ့ Digital Marketing Plan တစ်ခုရအောင် ဘယ်အချက်တွေ ကိုစဉ်းစားခြင်းက အထောက်အကူ ပြုစေမှာလဲ ? ဒါဆို ကျွန်တော်နဲ့ အတူ ဒီ အချက်အလက်လေးတွေက Key Performance Index အဖြစ် စဉ်းစားနိုင်မလားဆိုတာ ဝိုင်းပြီးတော့ အကြံပေးပါဦးနော် .. 1. “Marketing System” Marketing စနစ်အဖြစ်သာ စဉ်းစားပါ၊ လူတွေ လာရောက်နိုင်တဲ့ နေရာဖြစ်တဲ့ Website တစ်ခုလို့ မစဉ်းစားပါနဲ့။ များသောအားဖြင့် မြန်မာပြည် လုပ်ငန်းတော်တော်များများက ကိုယ်ပိုင် Website တွေမရှိကြသေးပါဘူး။ ရှိတဲ့ Company အများစုကလည်း eCommerce အမျိုးအစားကလွဲရင် အောက်ပါ အချက်အလက်များကို တိုင်းတာ၍ အသုံးချ မှုနည်းပါး နေတာကို တွေ့နေရပါသေးတယ်။ Traffic (အကျိုးသက်ရောက်မှု - လူမည်မျှ မိမိ၏ Website ကို စိတ်ဝင်စားမှုရှိသည်ကို တိုင်းတာနိုင်ခြင်း။) ဥပမာ - ဆိုင်တစ်ဆိုင်တွင် လူဝင်နှုန်း တိုင်းတာသကဲ့သို့ မိမိ Website ကို လူမည်မျှ ဝင်ရောက်သွားသည်ကို တိုင်းတာ၍ ရခြင်း။ ဆိုင်တွေမှာတော့ Entry လို့ များသောအားဖြင့် သုံးလေ့ရှိပါတယ်။ Website မှာတော့ Traffic ပေါ့။ Contacts (ဝင်ရောက်ခဲ့သောသူများထဲမှ မည်မျှက သင့်ကို ဆက်သွယ်မှု စတင်သည်ကို တိုင်းတာနိုင်ခြင်း။) ဥပမာ - သင့်ရဲ့ Website ထဲကို အယောက် ၁၀၀၀ နေ့စဉ် ဝင်ရောက်နေပြီး ၁၀ ယောက်က သင့်လုပ်ငန်း နှင့် Interactive ဖြစ်ဖို့ကြိုးစားခဲ့ခြင်းကို သိရှိနိုင်ပါတယ်။ အခြားနိုင်ငံ တော်တော်များများကတော့ Email ကို အဓိက အသုံး ချခြင်း ဖြစ်တာ ကြောင့် မည်ရွေ့မည်မျှက Email လိပ်စာ ကို ချန်ထားခဲ့ကြောင်း Website နှင့် ချိတ်ဆက်ထားသည့် email marketing system (တနည်းအားဖြင့် Email Database) မှ တဆင့် သိရှိနိုင်ပါတယ်။ တနည်းအားဖြင့် Active Users လို့လည်း လူသိများပါတယ်။ ဒါကတော့ B2B ကော B2C ကော အသုံးဝင်တဲ့ အခေါ်အဝေါ်ဖြစ်ပါတယ်။ Contacts ကတော့ များသောအားဖြင့် B2B လုပ်ငန်းတွေမှာပဲ သုံးလေ့ရှိပါတယ်။ Customers (အသေးစိတ် ရှင်းပြစရာမလိုအောင် အကျွမ်းတဝင်ဖြစ်တဲ့ စကားလုံး လို့ ပြောရင်မှားမယ် မထင်ပါဘူး။) ဥပမာ - B2C တစ်ခုဖြစ်တဲ့ eCommerce Website တွေမှာဆိုရင်တော့ ဝင်သမျှ Traffic တွေထဲက မှ မည်မျှက Sale (သို့) Order ဖြစ်သွားလည်းဆိုတာကို Revenue Stream ကနေတဆင့် သိရှိနိုင်ပါတယ်။ B2B လုပ်ငန်းများ အဖို့တော့ Contacts များထဲမှ မည်သူက အလုပ်ဖြစ်လဲဆိုတာကို သိရှိနိုင်ပါတယ်။ ယနေ့ခေတ်မှာတော့ Customers များကို ဂရုတစိုက် လေ့လာနိုင်သည့် CRM (Customers Relationship Management) Software လေးတွေ အများကြီး ရှိပါတယ်။ ဒါပေမယ့် ကိုယ် ဖန်တီးထားတဲ့ Website နဲ့ တော့ Compact ဖြစ်တဲ့ Integrated Version ဖြစ်ဖို့တော့ လိုပါလိမ့်မယ်။ အထက်ပါ အချက်အလက်တွေ သိရှိနိုင်အောင်တော့ Google Analytics ကို အသုံးပြုလို့ ရပါတယ်။ Google Analytics အကြောင်းလေးလေ့လာချင်တယ်ဆိုရင်တော့ ဒီမှာ ကြည့်လို့ ရပါတယ်။ https://goo.gl/mqL3BD 2. “Best Customers” သင့်ရဲ့ အကောင်းဆုံး Customers တွေက ဘယ်သူတွေလဲ ? သူတို့တွေနဲ့ ကိုက်ညီမယ့် ကမ်းလှမ်းမှုမျိုးလေးတွေဖြစ်ပါစေ။ မအောင်မြင်သော လုပ်ငန်းတော်တော်များများ တိကျစွာ သတ်မှတ်ထားသော Customers များ မရှိတတ်ကြပါဘူး။ ကို်ယ်တည်ဆောက်တဲ့ Marketing စနစ်မှာ ကိုယ့်လုပ်ငန်းနဲ့ ကိုက်ညီမှုရှိတဲ့ တစ်ဦးတစ်ယောက်ချင်းစီ (သို့) လူအစုလိုက် ကို သတ်မှတ်ထားဖို့တော့ လိုအပ်ပါတယ်။ ဒါကတော့ Digital Marketing Plan တစ်ခုအတွက် ပထမဦးဆုံး အနေနဲ့ စဉ်းစားသင့်တဲ့ အကြောင်းလေးပဲ ဖြစ်ပါတယ်။ ဒီလို သတ်မှတ်ထားခြင်းကလည်း ကိုယ့်လုပ်ငန်းရဲ့ Products ဖြစ်စေ၊ Services ဖြစ်စေ ပြိုင်ဘက်တွေထက် သူတို့ဆီကို ပိုမို ရောက်စေလိုလို့ ဖြစ်ပါတယ်။ Segments - ကျွန်တော် အစက ရှင်းပြခဲ့သလိုပဲ ကိုယ့် Customers တွေရဲ့ အလေ့အကျင့် (Behaviors)၊ အသက်အရွယ်၊ ကျား/မ၊ ဝင်ငွေ၊ အစရှိတာတွေပါတဲ့ (Demographics) ၊ ကိုယ့်လုပ်ငန်းရဲ့ သီးသန့်ဖော်ပြမယ့် အချက်အလက်များ၊ Customers များရဲ့ စိတ်နေထား နှင့် နေထိုင်ရာမြို့ အစရှိတာတွေကို သတ်မှတ်ထားဖို့ လိုပါမယ်။ Personas - Personas ကတော့ Marketing Industry ထဲကလူတွေ အတွက် နားလည်လွယ်ပေမယ့် သာမန်လူတွေဖို့တော့ နည်းနည်း စိမ်းနေပါလိမ့်မယ်။ Personas ဆိုတာက Segments ထက် ပိုပြီး အသေးစိတ်ကျပြီး Segments တစ်စု ချင်းစီအလိုက်ကို ကိုယ်စားပြုမည့်သူတစ်ဦးရဲ့ သတ်မှတ်ထားသော ပုံစံဖြစ်ပါတယ်။ နည်းနည်းများ ရှုပ်သွားလား မသိဘူး ? အသေးစိတ်အားဖြင့် ဥပမာ - သင့်ရဲ့ Customers A Group က ၁၈-၃၅ နှစ်ထဲမှာ ရှိတဲ့သူ တွေဖြစ်တယ်ဆိုပါစို့။ ဒါကိုတော့ Segmentation လုပ်တယ်လို့ ခေါ်ပါတယ်။ Personas ကတော့ ခုန လုပ်ထားတဲ့ Segmentation ထဲက လူတစ်စုကို ကိုယ်စားပြုတဲ့ သူတို့ရဲ့ ပြုမှု/နေထိုင်မှု ပုံစံ၊ အရည်အချင်း၊ သူတို့ ရည်မှန်းချက် တွေ၊ သူတို့ စိတ်နေစိတ်ထား နှင့် သူတို့ ပတ်ဝန်းကျင်တို့ကို လေ့လာပြီး ပြုစုရတဲ့ ပုံစံတစ်ခုပဲ ဖြစ်ပါတယ်။ ဒီ Personas က လည်း အသုံးဝင်ပါတယ်။ Marketing Personas နဲ့ ပတ်သက်ပြီး အခုမှ လေ့လာချင်သူတွေ အတွက် ဒီ Link လေးက အသုံးဝင်ပါတယ်။ https://goo.gl/khRvJL “Lifecycle Stage” ဘယ်လို Customers တွေ က ဘာတွေ ကြိုက်တတ်သလဲ ? သူတို့ အကြိုက်တွေက ရေရှည် ဖြစ်ပါ့မလား ? Customers Lifecycle တွေကလည်း Focus လုပ်တဲ့ အချိန်မှာ အရမ်းအရေးကြီးပါတယ်။ ဘာကြောင့်လဲဆိုတော့ Customer တစ်ယောက် ကခုမှစတင်ပြီး သင့် လုပ်ငန်းရဲ့ ကုန်ပစ္စည်း (သို့) ဝန်ဆောင်မှုကို အသုံးပြုကြည့်တဲ့အခါမှာ ကြိုက်နှစ်သက်မယ့် ပုံစံက တစ်ခု ဖြစ်ခဲ့ပေမယ့် ဒီ Customer ပဲ နောက်တစ်နှစ်မှာ နောက် အကြိုက် တစ်မျိုး ပြောင်းလဲသွားတတ်ပါတယ်။ ဒါကြောင့် ကိုယ်ပေးတဲ့ Value တစ်ခု Customers တွေ ဆီ ရောက်ဖို့ ဆိုရင် သူတို့အကြိုက်ကိုတော့ အရင်ဆုံး ကြိုတင်မှန်းဆပြီး ကုန်ဆုံးမယ့် အချိန်ကိုတော့ တွက်ချက်ထားမှသာ မှန်ကန်ဆီလျော်တဲ့ ကမ်းလှမ်းမှုများကို လုပ်နိုင်မှာ ဖြစ်ပါတယ်။ 3. “Make it easy for the right people to find you” သင် သတ်မှတ်ထားတဲ့ မှန်ကန်သော Customers များ က သင့် လုပ်ငန်းကို အလွယ်တကူ ရှာဖွေနိုင်ပါစေ။ Website ၁ ခုကို ဖန်တီးထားမယ်ဆိုရင် Website ကို လာလည်မယ့် Traffic လေးတွေကို ဘယ်လို ရအောင် လုပ်ရမယ်ဆို တာလေး မျှဝေပေးပါရစေ။ Customers တွေကိုဆက်သွယ်ဖို့ ဆိုရင်တော့ သ့င် လုပ်ငန်းက သူတို့ဘ ဝရဲ့ တစ်စိတ်တစ်ပိုင်း ဖြစ်နေဖို့ လိုအပ်ပါတယ်။ Advertising - အကုန်လုံးနဲ့ ရင်းနှီးပြီးသာ စကားလုံးလေးပါ။ Digital မှာတော့ Paid and Organic ဆိုပြီးတော့ (၂) ပိုင်း ရှိပါတယ်။ Paid Advertising မှာဆိုရင် Social Media Advertising, Adwords, Re-targeting, Search Engine Optimization (SEO), Influencer Marketing, Email Marketing တို့ိကို အသုံးပြုပြီးတော့ သင့်လုပ်ငန်းကို ကြော်ငြာလို့ ရပါတယ်။ ယေဘုယျအားဖြင့်တော့ Paid Advertising က ကြည့်ရှုသူမြင်သာအောင် Push လုပ်တဲ့ Methods တွေတော့ အများကြီးရှိပါတယ်။ ဒါဆိုရင် Social Advertising အကြောင်းလေး အရင် ပြောရအောင်။ Social Advertising ကတော့ အများသိပြီးသာဖြစ်တဲ့ Numbers ကြီးသော Facebook လိုမျိုး၊ Instagram လိုမျိုးတွေမှာ Campaigns Sets တွေနဲ့ (Facebook အပါအဝင် Social Media Marketing ကိုလည်းအပိုင်းတွေ ခွဲပြီး မျှဝေပေးပါ့မယ်) ကြော်ငြာလို့ ရပြီး B2B လိုမျိုးဆိုရင် LinkedIn လိုမျိုးကို အသုံးချနိုင်ပါတယ်။ Facebook ဟာဆိုရင်ဖြင့် ယခု Organic မြင်နိုင်နှုန်းတွေ ကျဆင်းလာပြီဆိုတာကိုလည်း အများက သတိထားမိပြီး ဖြစ်ပါလိမ့်မယ်။ Free Facebook Marketing အချိန်တွေက ကုန်လွန်ပြီး Paid Advertising ကို Commercial ဆန်စွာ ကျင့်သုံးလာတာပဲ ဖြစ်ပါတယ်။ နောက်ထပ် အကြောင်းအရာလေး တစ်ခုကတော့ Adwords လေးပါ။ Google Adwords လို့လည်း လူသိများပါတယ်။ ဒါပေမယ့် ကျွန်တော် အပေါ်မှာ ရှင်းပြခဲ့သလို လုပ်ငန်းတော်တော်များများက Website တွေ ဖန်တီးထားခြင်း မရှိသေးရင်တော့ ယခု Adwords (Google Adwords အကြောင်းလေးလည်း သီးသန့် မျှဝေပေးပါဦးမယ်) လေးကို အအသုံးချလို့ ရမှာမဟုတ်ပါဘူး။ ကောင်းတဲ့အချက်လေးကတော့ သင့်ကြော်ငြာကို Action (Click or Tap) မလုပ်သ၍ သင့်ရဲ့ ကျသင့်ငွေကို ဖြတ်မှာ မဟုတ်ပါဘူး။ အကြိုလေ့လာထားချင်တယ်ဆိုရင်တော့ ဒီ Link လေးကနေ လေ့လာလို့ ရပါတယ်။ https://goo.gl/UG1kZj Retargeting, eCommerce နဲ့ ပတ်သက်တဲ့ ကြော်ငြာ အမျိုးအစားတွေထဲမှာတော့ ခေတ်အစားဆုံး စကားလုံးလေး ၁ ခုဆိုရင် မမှားပါဘူး။ 98% သော Traffic တွေက သင့်လုပ်ငန်းအတွက် ကျိန်းသေပေါ့ Sale (သို့) Contacts ဖြစ်လာမှာ မဟုတ်ပါဘူး။ ဒါကြောင့်မို့ သင့် Website ကို လာလည်ပြီး ဘာ Action မှ မလုပ်သွား သူကော၊ လုပ်သွားသူကော ကို ပြန်လည်ပြီးတော့ သင့်ရဲ့ ကြော်ငြာကို မြင်စေနိုင်တဲ့ နည်းလမ်းလေး တစ်ခုပဲ ဖြစ်ပါတယ်။ Retargeting နဲ့ ပတ်သက်ပြီး လေ့လာချင်တယ်ဆိုရင်တော့ ဒီ Link လေးက နေလေ့လာနိုင်ပါတယ်။ SEO (Search Engine Optimization) ခေတ်နှောင်းကာလတွေမှာ ထင်မှတ်မထားဖွယ် အံ့သြစရာတွေ ဖန်တီးခဲ့တဲ့ ကြော်ငြာလေး တစ်မျိုးပေါ့။ ဥပမာ - သင်က ခရီးတစ်ခုသွားဖို့အတွက် Visit, Europe အစရှိတဲ့ စကားလုံးတွေ အသုံးပြုပြီးတော့ Google, Yahoo, Bing အစရှိတဲ့ Search Engine မှာ ရှာဖွေထားခဲ့မယ်ဆိုရင် ခရီးသွားလုပ်ငန်းတွေရဲ့ SEO Function သုံးတဲ့ စာပိုဒ်တွေ၊ အကြောင်းအရာတွေကို သင်တိုက်ဆိုင်စွာ သင့်ရဲ့ Browser ပေါ်မှာ အံ့သြဖွယ် တွေ့မြင်ရပါလိမ့်မယ်။ ဒီ Function လေးရဲ့ အဓိက အချက်ကတော့ keyword phrase တွေပေါ်ကို မူတ ည်ပြီးတော့ သင့်ရဲ့ လုပ်ငန်းကို Ranking အစဉ်လိုက် စီစဉ်ပြီး ပြတဲ့ အချက်လေးပါပဲ။ အသေးစိတ်ကိုလည်း ထပ်မံ မျှဝေပေးပါ့မယ်။ အကြောင်းအရာ တစ်ခုချင်းစီက အသေးစိတ်တွေ အများကြီး ပါလို့ပါ။ Influencer Marketing - ဒါလေးကလည်း အရမ်းပဲ ရိုးရှင်းပါတယ်။ ဥပမာ သင်က Cosmetics တွေ ထုတ်လုပ်တဲ့ Company ဆိုကြပါစို့။ သင့်ရဲ့ အဓိက Partners Networks တွေဖြစ်တဲ့ Shopping Mall တွေ၊ Artists တွေ နဲ့ Bloggers တွေရဲ့ Website သို့မဟုတ် သူတို့ရဲ့ နေရာတွေကနေ သင့်ရဲ့ Website ကို ပြန်လည်ပြီး Traffic တွေကို ရောက်ရှိ လာစေမယ့် နည်းလေး မျိုးလေးပါ။ ဒါပေမယ့် သင် သတိထားရမယ့် အချက်က သင်ရွေးချယ်လိုက်တဲ့ Influencers က သင့်ကို ယှဉ်ပြိုင်မယ့် အခြား ပြိုင်ဘက် Business Partners စီမှာလည်း ပူးပေါင်းထားတယ်ဆိုရင်တော့ သင့် အနေနဲ့ နောက်ကျခြင်းက သင့် အပြစ်ဖြစ်သွားပါလိမ့်မယ်။ ဆိုလိုချင်တာ သူတို့ထက် အရင်ဆုံး စောပြီး လက်တွဲနိုင်ခဲ့ ရင်တော့ သင့် အတွက် အခွင့်အရေး တစ်ခု ဖြစ်လာမှာပါ။ နောက်ဆုံးကတော့ Email Marketing ပေါ့။ အခြားနိုင်ငံတွေမှာတော့ အရမ်းခေတ်စားပေမယ့် မြန်မာပြည်မှာတော့ အရမ်းခဲယဉ်းတဲ့ Advertising မျိုးပဲဖြစ်ပါတယ်။ ဆိုလိုတာက ဖန်တီးသူအတွက် မခဲယဉ်းပေးမယ့် အသုံးပြုသူဆီမှာ ဘာအချက်အလက်မှ ပြန်မရတာက အခက်အခဲတစ်ခုပါ။ ဒါပေမယ့် B2B လုပ်ငန်းတွေကတော့ Email က နေတဆင့် ကြော်ငြာများ ပို့ဆောင်ခြင်းက အသုံးဝင်ကောင်း ဝင်ပါလိမ့်မယ်။ 4. “Website” Keep it simple - လွယ်ကူ ရိုးရှင်းတဲ့ သင့်ရဲ့ Website သွင်ပြင်က သုံးစွဲသူ Customers များအတွက် Decisions တစ်ခုကို အချိန်တိုတွင်း ချမှတ်နိုင်အောင် အကူအညီပေးပါတယ်။ Call-to-Action ချက်ချင်းသင့်ကို ဆက်သွယ်လို့ ရတာမျိုး၊ ချက်ချင်း ဝယ်ယူလို့ ရတာမျိုး အစရှိတဲ့ Functions တွေကို ထည့်သွင်းထားတဲ့ Button မျိုးလေးတွေကိုတော့ သင့်ရဲ့ Website မြင်သာတဲ့ နေရာမှာ ထားဖို့လိုအပ်ပါလိမ့်မယ်။ Use research - ကျွန်တော် အပေါ်မှာ ရှင်းပြထားသလိုမျိုး Research တွေရဲ့ Data တွေကို အသုံးချခြင်းက သင့် လုပ်ငန်းအတွက် Risk နည်းစေမှာ သေချာပါတယ်။ ယခုချိန်မှာ Data တွေကို အခြေခံတဲ့ လုပ်ငန်းတွေက အင်မတန်နည်းပါသေးတယ်။ Intuition နှင့် Experiences ပေါင်းစပ်ထားတဲ့ Estimated Data & Thoughts တွေသာ များပါသေးတယ်။ ဒါကြောင့်လည်း Research မပါတဲ့ အချက်အလက်တွေနဲ့တည်ဆောက်ထားတဲ့ လုပ်ငန်း တွေကလည်း အမှားတွေ တစ်ခုပြီး တစ်ခု ကြုံတွေ့နေတာကို တွေ့မြင်ရမှာ ဖြစ်ပါတယ်။ Get Visitors to Act - ပထမဦးဆုံးမှာ ရှင်းပြခဲ့သလိုပဲ ယခု တည်ဆောက်မယ့် Digital Marketing Plan ရဲ့ ရည်ရွယ်ချက်ကတော့ ဝင်သမျှလူဦးရေရဲ့ 50% က ဝယ်သူဖြစ်လာဖို့ အရေးပါပဲ။ ဒါကြောင့် ဝင်လာသူမှန်သမျှကို ပြတ်သားတဲ့ ဆုံးဖြတ်ချက်တွေ ချမှတ်ပေးနိုင်ဖို့က သင့်ရဲ့ Website သွင်ပြင်နဲ့ Functions တွေက အလွန်ပဲ အရေးကြီးပါတယ်။ 5. “Use the right Technology” မှန်ကန်တဲ့ နည်းပညာကို ရွေးချယ် အသုံးပြုပါ။ ယခုမှ စမယ့် လုပ်ငန်းများအတွက်ကတော့ Social Media လိုမျိုး Mass-market Platform တွေနဲ့ စတင်ဖို့ အကြံပြုပါရစေ။ Digital Marketing Plan ဆွဲ ဖို့အတွက်ကတော့ အထက်ပါ အချက်များကို ထည့်သွင့်စဉ်းစားခြင်းက သင့်လုပ်ငန်းအတွက် အကျိုးရှိစေပါတယ်။ ဒါမှ မဟုတ် Budget အနည်းငယ်တတ်နိုင်ခဲ့မယ်ဆိုရင် သင့်ရဲ့ Website အတွက် အသုံးဝင်စေနိုင်မယ့် Squarespace လိုမျိုး၊ Email marketing အတွက် Mailchimp လိုမျိုးကို အသုံးပြုနိုင်ပါတယ်။ Industry လိုက် လုပ်ငန်းကြီးများအတွက်ကတော့ Hubspot သို့ Marketo လိုမျိုး Marketing Automation စနစ်တွေပါဝင်ပြီး Digital Marketing Team အလိုက် အသုံးပြုနိုင်မယ့် Platform မျိုးတွေကို ရွေးချယ်နိုင်ပါတယ်။ Pricing တွေကတော့ Individual မှ စလို့ Enterprise Plan အထိ အစားစားရှိနိုင်ပါတယ်။ 6. “Get Help” Digital Marketing ဆိုတာ ကိစ္စရပ်တိုင်း အလျင်အမြန်ပြောင်းလဲနေတဲ့ Digital ခေတ်ကြီးထဲက အကြောင်းအရာလေး တစ်ခု ဖြစ်နေတာကြောင့် အချိန်နှင့် အမျှ ပြောင်းလဲနေတာပဲ ဖြစ်ပါတယ်။ ဒါကြောင်အချိန်နှင့် အမျှ ပြောင်းလဲနေတဲ့ ခေတ်ကြီးထဲမှာ သမုဒ္ဒရာကြီးတစ်ခုလုံး ရေဆူဖို့ ကြိုးစားနေမယ့် အစား သင့်လုပ်ငန်းအတွက် အရေးကြီးပြီး အရင်ဆုံးလုပ်ရမယ့် အကြောင်းအရာ လေးတွေကို အထက်ပါအချက်များနှင့် ချင့်ချိန်စဉ်းစားရင်း တဖြေးဖြေးချင်းစီ အောင်မြင်တဲ့ ပန်းတိုင်ကို ရောက်အောင် ဆောင်ရွက်သွားဖို့ အကြံပြုရင်း နိဂုံးလေး ချုုပ်လိုက်ပါရစေ။ ဒီ Link လေးကနေတော့ Digital Marketing Plan Template လေးကို Free-Access နဲ့ လေ့လာကြည့်ရှုနိုင်ပါတယ်။ https://goo.gl/EFTzc3 အားလုံးပဲ အောင်မြင်ကြပါစေ။ ဒီအပိုင်းလေးမှာ ပါတဲ့ အသေးစိတ် ဖော်ပြပေးရမယ့် အကြောင်းအရာလေးများ ကိုလည်း ခေါင်းစဉ်လေးတွေ ခွဲပြီးတော့ ပြန်လည် မျှဝေပေးသွားပါမယ်။ နောက်ထပ် နောက်ထပ် သော ခေါင်း စဉ်တွေကိုလည်း ကြိုးစားပြီး ရေးပေးသွားမှာ ဖြစ်တဲ့ အတွက် စောင့်မျှော် အားပေးကြပါဦးနော်။