RACE, ကျွန်တော်လေ့လာမိသမျှ Digital Marketing (အပိုင်း-၅)

ဒီတစ်ပတ်မှာတော့ Plan, Reach, Act, Convert, Engage ဆိုတဲ့ Framework အကြောင်းလေးပြောကြရအောင်။

Digital Marketer တော်တော်များများ မစိမ်းတဲ့ အကြောင်းအရာလေး တစ်ခုလို့ ထင်ပါတယ်။ ပြီးတော့ Digital Marketing  မှာ ဒီ RACE ကို Performance အဖြစ်လည်း တိုင်းတာနိုင်ပါသေးတယ်။

RACE Plan လေး တစ်ခုဖြစ်ဖို့ အရင်ဆုံးဘာတွေ လိုအပ်မလဲ ?

လှည့်ပြောင်းရလွယ်ပြီး ဗျုဟာကျတဲ့ Digital Marketing Plan ဖြစ်ဖို့ အတွက် အရင်ဆုံး ကိုယ့် Audiences တွေက Online မှာ ဘာတွေလုပ်နေတယ်၊ သူတို့ ဘာတွေကို ကြိုက်တတ်လဲ ဆိုတဲ့ အကြောင်းအရာတွေကို အရင်ဆုံး သိရှိအောင် Analysis အရင်ဆုံး လုပ်ထားသင့်ပါတယ်။ ကျွန်တော်တို့ကတော့ ဒါတွေကို Contents တွေလို့ ခေါ်တာပေါ့။ Content Marketing ကိုတော့ ဒီနေရာမှာ အကျယ်တဝင့် မဖော်ပြပေမယ့် နောင် အလျင်းသင့်သလို ပြန်လည် မျှဝေပေးပါ့မယ်။ Content Marketing ကို Invest လုပ်ရာမှာ SMART KPIs တွေနဲ့ တိုင်းတာနိုင်ရပါမယ်။ ဒါမှသာ သင့် လုပ်ငန်းရဲ့ Digital Marketing Plan မှာ ယင်း Contents တွေက မည်မျှ အထောက်အကူဖြစ်စေလည်းဆိုတာကို သိရှိနိုင်မှာ ဖြစ်ပါတယ်။ သင့်ရဲ့ Contents တွေကို RACE ဖြင့် တိုင်းတာကြည့်ချင်းဖြင့် သင် စိုက်ထုတ်လိုက်ရတဲ့ အချိန်၊ ခွန်အားနဲ့ ငွေကြေးတွေ ဆုံးရှုံးမှုတွေ လျော့နည်းနိုင်စေပါတယ်။

Branded Content က ဘာကြောင့် အရေးကြီးသလဲ ?

Branded Content ဆိုတဲ့ အကြောင်းလေးကို ဒီနေရာမှာ ခဏလောက် ဆွေးနွေးချင်ပါတယ်။ ဘာကြောင့်လဲဆိုတော့ ကျွန်တော်တို့ အရင်ကဖန်တီးခဲ့တဲ့ ကြော်ငြာမှန်းသိတဲ့ ကြော်ငြာတွေကို လူတွေက ငြီးငွေ့နေကြပါပြီ။ ဒီတော့ Audiences က Skip/Scroll လုပ်ပြီး သင့်ကြော်ငြာကို ကျော်သွားရင် သင့်ရဲ့ Cost Per Click / Cost Per View တွေနဲ့ စီစဉ်တဲ့ Advertising Campaigns တွေက အကျိုးသက်ရောက်မှု အင်မတန်နည်းပါသွားနိုင်ပါတယ်။

Branded Content ဆိုတာဘာလဲ ?

ဟုတ်ကဲ့။ Professional တွေရဲ့ အတွေးအခေါ်ပေါ်ကိုလိုက်ပြီးတော့ အယူအဆတွေ အမျိုးမျိုးကွဲပြားနိုင်ပါတယ်။ မူလအရင်းအမြစ်ကတော့ လုပ်ငန်း (သို့) အမှတ်တံဆိပ် တစ်ခုကို လူသိများအောင် ကြော်ငြာပုံစံ မပေါက်တဲ့ Advertising လုပ်နည်း အမျိုးအစားတစ်မျိုးပဲ ဖြစ်ပါတယ်။ ယခု ဥပမာ လေးကို ဥပမာ အနေနဲ့ပဲ မှတ်ယူစေချင်ပါတယ်။

ဆေးကုမ္ပဏီ က ဆေး ကြော်ငြာဆိုပါစို့။ လူတိုင်းကို ဒီဆေးက ဘယ်လိုကောင်းကြောင်း၊ ဘာတွေ အသုံးဝင်ကြောင်း၊ ဒါသောက်ရင် ဘာဖြစ်မယ်ဆိုတဲ့ အကြောင်းတွေကို Brand တစ်ခုကနေ Media မျိုးဆုံးသုံးပြီး ကြော်ငြာ တဲ့ ကြော်ငြာမျိုးကို လွန်ခဲ့တဲ့ ဆယ်စုနှစ်တစ်ခုမှာ တွေ့မြင်ပြီး ဖြစ်မှာပါ။ ယခုခေတ်မှာ Consumers အများစုက လုပ်ငန်း (သို့) အမှတ်တံဆိပ် တစ်ခုကနေ ပြောတဲ့ ကြော်ငြာတွေကို ယုံကြည်မှုနည်းပါးလာပါပြီ။

ဒါကြောင့် ဒီနေ့ ဒီချိန်မှာ Branded Content က ဘယ်လို အသုံးဝင်လဲဆိုတော့ ခုနက ဆေးကြော်ငြာပဲဆိုပါစို့။ ခုနကလို ကြော်ငြာတာမျိုး မဟုတ်ဘဲ ဒီ ဆေးနဲ့ ဆိုင်တဲ့ ရောဂါ အကြောင်းကို တတ်ကျွမ်းနားလည်တဲ့ ဆရာဝန်ကြီးများ အကူအညီဖြင့် အရင်ဆုံး စာသားတွေရေး၊ နောက်ဆုံးမှာ ဒီလို ဆေးမျိုးက ဒီ ရောဂါအတွက် အသုံးဝင်ကြောင်းပြောသလိုမျိုးပေါ့။ ဒါဆိုရင် Consumers တွေရဲ့ ရောဂါနဲ့ ဆေးကို သုံးစွဲ အဆင့်ဆင့်မှာ များစွာ အထောက်အကူဖြစ်စေပါတယ်။

Digital Marketer တွေကြားမှာ ကွဲပြားတဲ့ အခေါ်အဝေါ်တွေလည်း ရှိပါသေးတယ်။ Native Marketing, Advertorial အစရှိသဖြင့် Media ပေါ်မူတည်ပြီးတော့ ကွဲပြားခြားနားပါတယ်။

R for Reach (အတိုင်းအတာ တစ်ခုသို့ ရောက်ရှိမှု)

အရမ်းပဲ ရှင်းပါတယ်။ ဒီ အဆင့်က သင်ရဲ့ Website သို့ Social Media တစ်ခုခုမှာ ရှိတဲ့ သင့်ရဲ့ Content များကို Audiences တွေက ကြည့်ရှုပြီး ဘာတွေ သူတို့အတွက် အသုံးဝင်မယ်ဆိုတာ စူးစမ်းရှာဖွေတဲ့ အဆင့်ပါ။ ဒါကိုတော့ သင့်ရဲ့ Contents တွေက Audiences ဘယ်လောက်ဆီ ရောက်ရှိခဲ့လဲဆိုတဲ့ နှုန်း ကို တိုင်းတာခြင်းပါ။ ယခု အချိန်အခါတွင် Facebook Media မှာ Numbers များဖြင့် အတိအကျကို ဖော်ပြနေပြီဖြစ်ပါတယ်။ ဒါပေမယ့် Facebook မှာဆိုရင် Organic / Paid ဆိုပြီးတော့ ရောက်ရှိမှုနှုန်း (၂) မျိုးကွဲပြားပါတယ်။ Organic ကတော့ ကြည့်ရှုသူများအနေဖြင့် Shares/Comments/Reactions အစရှိသော Actions တွေကြောင့် Viral ဆင့်ပွား ရောက်ရှိနိုင်တာဖြစ်နိုင်သလို၊ သင့်ရဲ့ Display Advertising ကြောင့်လည်း ရောက်ရှိတဲ့ နှုန်းကို Paid လို့ ခေါ်ပါတယ်။ Website မှာဆိုရင်တော့ Unique Visitors ဆိုပြီး Analytics Report အနေနဲ့ ပြန်လည် သုံးသပ်နိုင်ပါတယ်။ ဒါ့အပြင် တစ်ဦးတစ်ယောက်ချင်းစီကို ရောက်ရှိနိုင်ဖို့အတွက် အသုံးပြုရတဲ့ ကြော်ငြာ စရိတ်ဖြင့်လည်း Reach နှုန်းကို တိုင်းတာနိုင်ပါတယ်။ ဥပမာ - CPM (Cost Per Thousand Impressions) / CPV (Cost Per View) တို့လိုမျိုးပေါ့။ ဒါ့အပြင် ဒီ Reach တွေကနေ Fans/Followers/New Visitors တွေ ဘယ်လောက်တိုးလာလဲ ဆိုတာဖြင့် တိုင်းတာနိုင်ပါတယ်။

A for Act (ရောက်ရှိတဲ့လူတွေထဲက မှ ဘယ်လောက်က Action ပြုခဲ့လဲ)

ဒါကလည်း ရှင်းပါတယ်။ ဒီ အဆင့်လေးကတော့ Customer တစ်ယောက်အတွက် Decision ချဖို့ ရောက်ရှိနေတဲ့ အဆင့်လေးတစ်ခုပါ။ ခုန Reach ကြောင့် မိမိ ကြော်ငြာ ရောက်ရှိသွားပြီး ထိုသူများထဲကမှ မည်မျှက Facebook ဆိုရင် Shares/Comments/Reactions တွေ၊ Photo Clicks၊ Video Views၊ အစရှိတဲ့ Actions တွေကို CPC (Cost Per Click) နဲ့ တိုင်းတာနိုင်သလို၊ Website ဆိုရင် CPC နဲ့ Lead/Lead Conversion Rate တို့ကို ကြည့်ခြင်း ဖြင့် သိရှိနိုင်ပါတယ်။ ဒါ့အပြင် Consumers တွေက သင့် Website ပေါ်မှာ အချိန်ဘယ်လောက် ဖြုန်းလဲဆိုတာ ကြည့်ရှုခြင်းဖြင့် တိုင်းတာနိုင်ပါသေးတယ်။

C for Convert (Action ပြုတဲ့သူတွေထဲကမှ ဘယ်နှစ်ယောက်က သင့်ရဲ့ Website ကို အသုံးပြုသလဲ)

ဒီ အဆင့်ရောက်ရှိဖို့ကိုတော့ ရှေ့က (၂)ဆင့် တော်တော်ကောင်းမှ ရောက်ရှိနိုင်မှာဖြစ်ပါတယ်။ အခြား Competitors သို့ အကြောင်းအရာတစ်ခုကို switch လုပ်ဖို့ အလွန်လျင်မြန်တဲ့ အချိန်လည်းဖြစ်ပါတယ်။ အကယ်၍ သင့်ရဲ့ Website က eCommerce အတွက်ဆိုပါစို့။ Customers အနေနဲ့ Act အဆင့်မှာ စိတ်ပိုင်းဖြတ်ပြီး သင့်ရဲ့ ရောင်းကုန် တစ်ခုကို Shopping Cart ထဲ ထည့်လိုက်တဲ့ အချိန်ပါပဲ။ ဒါကြောင့် အရေးကြီးပါတယ်။

Switch လုပ်ခြင်းကို နှောင့်နှေးစေချင်တယ်ဆိုရင်တော့ ဥပမာ သင်က Laptop Computer ရောင်းတဲ့ eCommerce Website တစ်ခုဆိုပါစို့။ Consumer အနေဖြင့် သူ့ရဲ့စိတ်မှာ ဘယ် အမျိုးအစားကို ဝယ်ရင် ကောင်းမလဲ ဆိုတာ ဝေဖန်ပိုင်းခြားဖု့ိ ခက်ခဲနေတဲ့အချိန်မှာ သူလိုချင်တာက အမျိုးအစားတွေကို ယှဉ်ကြည့်နိုင်တဲ့ Function ပါခဲ့ရင် သူ့စိတ်ကို လုံးဝပိုင်းဖြတ်ပြီး တစ်ခုကို ဝယ်ယူဖို့ အခွင့်အရေး ပိုများအောင် ဒီလို Function မျိုးကို စီစဉ်ထားခဲ့မယ်ဆိုရင် Consumer လည်း အခြား Website ကို ကြည့်ဖို့ မလိုအပ်တော့သလို စိတ်ပိုင်းဖြတ်ပြီး ဝယ်ယူဖို့ကိုလည်း များစွာ အထောက်အကူ ဖြစ်စေပါတယ်။ အဓိက တိုင်းတာနိုင်တဲ့ အချက်ကတော့ Sale ပေါ့။ တနည်းပြောရရင် Profit ဒါမှမဟုတ် Revenue ကို ကြည့်ရှုတိုင်းတာနိုင်ပါတယ်။

E for Engage (ဝယ်ယူခဲ့တဲ့သူတွေထဲကမှ ဘယ်နှစ်ယောက်က သင့်ကို Repeat Purchase သို့ အခြားလူတွေကို -Recommend/Review ပေးမှာလဲ)

ဒီအဆင့်က ရှေ့က (၃)ဆင့်ကို ချောချောမွေ့မွေ့ အောင်မြင်စွာ ဖြတ်ကျော်လာနိုင်ခဲ့ရင် ဝယ်ယူသူတစ်ယောက်အဖို့ ပြန်လာဝယ်ချင်စိတ်၊ သူများကို သူအဆင်ပြေသလိုမျိုး ညွှန်းပးချင်စိတ် အစရှိတဲ့ Customers Satisfaction Level မှာ အမြင့်ဆုံးဖြစ်တဲ့ Advocacy အဆင့်ကို ရောက်ရှိလာနိုင်ပါတယ်။ Engagement rate ကိုကော ဘယ်လိုတိုင်းတာနိုင်လဲဆိုတော့ LTV – Life Time Value၊ Satisfaction on Recommendation and Reviews အစရှိတဲ့ အရေအတွက်ကို ကြည့်ရှုတိုင်းတာနိုင်ပါတယ်။ ဥပမာ - Alibaba မှာဆိုရင်တော့ ပစ္စည်းတစ်ခုချင်းစီ၊ Sellers တစ်ဦးချင်းစီရဲ့ အရည်အသွေးကို Recommend တွေ ကြည့်ရှုနိုင်ပါတယ်။ Agoda လို Hotel Booking မျိုးဆိုရင်တော့ အသုံးချဖူးသူတွေရဲ့ Reviews တွေက Engagement Rate တက်လာဖို့ အတွက် အထောက်အကူဖြစ်စေပါတယ်။

ဒီတစ်ပတ်တော့ RACE အကြောင်းလေးကလည်း အနည်းငယ်ရှည်သွားပြီမို့ နားခွင့်ပြုပါဦးခင်ဗျာ။ နောက်ထပ် ဆက်လက်ပြီး အပိုင်းလေးတွေ ပိုင်းပြီးတော့ ထပ်မံ ရေးပေးပါဦးမယ်။ ချစ်ခင်လေးစားစွာဖြင့်။